ഇതുകേള്‍ക്കുമ്പോഴെല്ലാം ഞാനെന്റെ ചെറുപ്പകാലത്തെത്തും. താരാട്ടുകേട്ടുറങ്ങാന്‍ കൊതിക്കുന്ന കുഞ്ഞാകും. ബിച്ചു തിരുമലയ്ക്കും രാജ് കമലിനും നന്ദി.
ധാരാളം താരാട്ടുപാട്ടുകള്‍ മലയാള സിനിമയില്‍ വന്നിട്ടുണ്ട്. അക്കൂട്ടത്തില്‍ 'സീത'യിലെ 'പാട്ടുപാടി ഉറക്കാം ഞാന്‍' എന്ന പാട്ടിനെ അതിശയിക്കാന്‍ വേറൊരു പാട്ടില്ല എന്നാണ് എന്റെ അഭിപ്രായം. പിന്നെയും നല്ല താരാട്ടുപാട്ടുകളുണ്ട്. കോന്നിയൂര്‍ ഭാസ്-കണ്ണൂര്‍ രാജന്‍ ടീമിന്റെ 'കണ്‍മണി പെണ്‍മണിയേ കാര്‍ത്തിക പൊന്‍കണിയേ..', എഴുതാപ്പുറങ്ങളിലെ ഓയെന്‍വി-വിദ്യാധരന്‍മാഷുടെ 'താലോലം പൈതല്‍ താലോലം...', മോഹന്‍സിതാര/കൈതപ്രം ടീമിന്റെ 'ഉണ്ണീവാവാവോ..' ഓയെന്‍വീ-ഔസേപ്പച്ചന്‍ ടീമിന്റെ 'അന്നലൂഞ്ഞാല്‍ പൊന്‍പടിയില്‍..' പക്ഷേ വല്ലാതെ ടച്ച് ചെയ്ത താരാട്ട് ഇതാണ്.
പി.സുശീലയുടെ ആലാപനം അതിസുന്ദരം. കേട്ടിരുന്നാല്‍ ഉറങ്ങിപ്പോകുന്നതറിയില്ല. ഈ ഗാനം കല്യാണി രാഗത്തില്‍ത്തന്നെയാണ് ചിട്ടപ്പെടുത്തിയിരിക്കുന്നത്.
|
ചിത്രം - ആഴി
ഗാനരചന - ബിച്ചുതിരുമല
സംഗീതം- രാജ് കമല്‍
വര്‍ഷം- 1985
ഗായിക- പി. സുശീല
കല്യാണിമുല്ലേ നീയുറങ്ങൂ
മണിക്കിനാവിന്‍ മഞ്ചലില്‍
മനസ്സിലെ മാമ്പൂവിതളില്‍ കിനിയും
മകരന്ദമല്ലേ നീ (2)
അമ്മതന്‍ ജീവിതവാനില്‍ വിരിയും
അമ്പിളിക്കലയേ നീയുറങ്ങൂ
മണിക്കിനാവിന്‍ മഞ്ചലില്‍
വളപ്പൊട്ടിനോടും കഥകള്‍ പറയാന്‍
തുടിക്കുന്നു നിന്‍ഹൃദയം
അവിടെനിന്നായിരം ചിറകും വീശി
തുമ്പികളുയരും നിന്‍മിഴിയില്‍
മണിക്കിനാവിന്‍ തുമ്പികള്‍
